Budalanâme'den

Budalanâme'den

Hazâ Kitab-ı Delîl-i Budalâ-i Kaygusız

Bismillahirrahmanirrahim

El-hamdü li’llâhi rabbi’l-‘âlemin ve’s-selâtü ve’s-selâmü ‘âle- Hayri halkihi Muhammedin ve-âlihi ecma’în amma bu kitab bilin ve âgâh olun kim Delîl-i Budalâ ve Defter-i ‘Âşık ve Siyer-i ‘Ârifderler ve Hayâl-i Nâdân dahi derler zirâ ‘akla sığmaz haberlerdir ve ‘âkil-ı ma’âşmerkebi bu yolda nenktir ve bu ‘akl-ı ma’âş anadan gözsüz doğmuştur Dünyada ve âhirette a’mâdır Eğer ona Kur’ânı baştan başa okuyup ma’nâsını dahi versen yine kara renkten gayrı renge inanmaz Zihî rân-kim Hakkı ister ‘Akl-ı eteğine yapışmıştır‘Akl-ı kendüye refîk etmiş afitâb nurun bulam diye çalışır ve bu ‘akl-ı ma’âş bir nesneyi ki bilmiştirBilmekhemân budur diyip durmuştur Bilmez kim bu yer ve gök dahi vardır kim onda türlü türlü sun’-i Settâr var O şehre girmeyen sırru’llâhdan bir nesne duymaz Eğer bin yıl dahi ‘ömrü olursa onun kim bal yemekte nasibi olmaya bal demekle ağzı şîrîn olmazVe bu ‘akl-ı ma’âş bilmezki ‘âriflerin gecesi Kadir ve gündüzleri ‘ıyd olmuştur Cebrâilin güft ü gûsûnu neyler Gel imdi sen dahi ‘akl-ı ma’âş işitmediği sözlerden haber al ve onun görmediği yüzlerden nazar al ve ‘akl-ı ma’âş her çende ve cehd eder ‘ârifler menziline yol bulmaz zirâ bu ‘ilimde ser-gerdândır Bu ‘ilmi ‘akl-ı ma’âdı olan bilir Buna mantıku’t-tayr derler Beyit: Mantıku’t-tayr bilmeğe her bâr / Ya Süleyman gerek yâhut ‘attâr Pes imdibu ‘ilmi gönlü gözü açık ‘ârif bilir ki ne demekdir zirâ bu ‘akl-ı ma’âş açık zahir mi’mârlığın bilir Bâtın ‘ilminden haberi yoktur Ma’rifetu’llâhdan bin söz işitirse gönlüne nesne dammaz meğer kendüyi kâmiller ve ehl-i diller sohbetine lâyık ide Tâ kim bilmediği ve işitmediği mertebeyi bile ve anlaya

Kaynak: iosmanlicawordpresscom