Haydar Aliyev Ve Bağımsızlık...

Heydər Əliyev: “Ən böyük nailiyyət, tariximizə yazılmış qızıl səhifə ondan ibarətdir ki, çoxəsrlik tariximizdə ilk dəfə Azərbaycan xalqı dövlət müstəqlilliyini əldə etmişdir, müstəqillik əhval-ruhiyyəsini hiss edə, dərk edə bilmişdir, müstəqil yaşamaq, öz taleyinin sahibi olmaq duyğularını dərk edə bilmişdir”


Ulu öndər Heydər Əliyev 1918-ci ildə yaranmış və qısa müddətdə fəaliyyət göstərmiş Azərbaycan Xalq Cümhüriyyətini xalqımızın tarixində ən şərəfli məqamlardan biri kimi qiymətləndirərdi 1996-cı ildə bu tarixi günlə bağlı çıxışında ümummilli lider Heydər Əliyev demişdir: "Müsəlman Şərqində ilk demokratik cümhuriyyətin məhz Azərbaycan torpağında yaranması xalqımızın o dövrdə və o illər ərəfəsində - XIX əsrin sonunda və XX əsrin əvvəllərində milli müstəqillik, azadlıq duyğuları ilə yaşaması ilə bağlıdır O illərdə xalqımızın qabaqcıl şəxsiyyətləri, mütəfəkkir adamları, ziyalıları xalqımızın milli azadlıq, milli müstəqillik duyğularını gücləndirmiş, milli dirçəliş, milli oyanış əhval-ruhiyyəsini yaymış və bunların hamısı məntiqi olaraq Azərbaycan Demokratik Cümhuriyyətinin yaranmasına gətirib çıxarmışdır"


Ümummilli lider Heydər Əliyev hesab edirdi ki, dünyada o zaman gedən proseslər - Birinci Dünya Müharibəsi, Avropada, ümumiyyətlə, dünyada baş vermiş dəyişikliklər - bunlar hamısı Azərbaycanın dövlət müstəqilliyi əldə etməsinə, demokratik cümhuriyyət qurmasına şərait yaratmışdır "Azərbaycan Demokratik Cümhuriyyətinin, onun hökumətinin ömrü qısa olmuşdur Bu cümhuriyyət 23 ay ömür sürmüşdür Ən böyük nailiyyət, tariximizə yazılmış qızıl səhifə ondan ibarətdir ki, çoxəsrlik tariximizdə ilk dəfə Azərbaycan xalqı dövlət müstəqlilliyini əldə etmişdir, müstəqillik əhval-ruhiyyəsini hiss edə, dərk edə bilmişdir, müstəqil yaşamaq, öz taleyinin sahibi olmaq duyğularını dərk edə bilmişdir" - deyə ulu öndər Heydər Əliyev vurğulamışdır


Ulu öndər Heydər Əliyevin qeyd etdiyi kimi, "ilk demokratik cümhuriyyətin hökuməti çox işlər görmüşdür Azərbaycan torpağında demokratik cümhuriyyətin yaranması dünyaya bəyan edilmiş, dünyanın bir çox dövlətləri ilə əlaqələr qurulmuş, milli müstəqillik prinsipləri əsasında Azərbaycanda dövlət quruculuğu tədbirləri həyata keçirilmiş, ilk Azərbaycan universiteti yaradılmışdır Bu hökumət Azərbaycanı dünyaya müstəqil dövlət kimi tanıtmışdır"


Ulu öndər Heydər Əliyev qeyd edirdi ki, Cümhuriyyətin qurulmasında müstəsna xidmətlər göstərmiş tarixi şəxsiyyətləri unutmaq mümkün deyil: "Azərbaycan Demokratik Cümhuriyyətinin yaranmasında böyük işlər görmüş, xidmətlər göstərmiş Məmmədəmin Rəsulzadəni, Əlimərdan bəy Topçubaşovu, Fətəli xan Xoyskini, Nəsib bəy Yusifbəyovu və digər dövlət xadimlərini bu gün də böyük minnətdarlıq hissi ilə xatırlayırıq və onların xidmətlərinə, Azərbaycan xalqının həyatında, tarixində oynadıqları böyük rola öz hörmət və ehtiramımızı bildiririk" Ümummilli lider hesab edirdi ki, həmin cümhuriyyətlə yanaşı bu dövlətin süqutundan sonra xalqımızın keçdiyi yolu da unutmaq olmaz, çünki "xalqımız 1920-ci ildən 1991-ci ilə qədər olan dövrü yaşamış, o illərdə yaratmış, inkişaf etmiş, respublikamız bu günlərə gəlib çatmışdır" Heydər Əliyev bildirirdi ki, istedadlı xalqımız bütün məhrumiyyətlərə rəğmən yenə də böyük oğullar yetirmiş, onların sırasında dünyaca məşhur alimlər, şairlər, yazıçılar, müsiqiçilər, incəsənət xadimləri olmuşdur: "Bunların hamısı o çətin, ağır illərin eyni zamanda böyük nailiyyətləridir"


1918-ci ildə yaranmış ilk Azərbaycan Xalq Cümhuriyyəti bizim milli sərvətimizdir, tariximizin parlaq səhifəsidir 1918-1920-ci illər Azərbaycan Xalq Cümhuriyyəti və 1991-ci ildə əldə etdiyimiz yeni müstəqillikdən sonra yaşanan illər göstərdi ki, dövlətin suverenliyini qoruyub saxlamaq, onu yaşatmaq və gələcək nəsillərə ötürmək bir çox hallarda onu elan etməkdən daha çətin və məsuliyyətlidir Bu, bir reallıqdır ki, əgər ötən əsrin 90-cı illərinin əvvəllərində xalqımız ümummilli lider Heydər Əliyevi yenidən ölkə rəhbərliyinə dəvət etməsəydi, bu müstəqilliyimizi qoruyub saxlamaq və yaşatmaq olduqca çətin olardı Ulu öndər Heydər Əliyev bunu bacardı Müstəqil dövlətimizin möhkəmlənməsi üçün onun qurucusu olmuş Heydər Əliyev ideyalarına, dövlətçilik kursuna sadiqlik böyük zəhmətlə qazanılmış uğurlarımızın qorunub saxlanılmasına çalışmamız ən mühüm və vacib şərtdir



Elbrus Əliyev/Yeni Çağ